Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary

Agag-asmaqqal en Planck
ed yimahellawen en umeɣrad



 
Mubarik Belqasem

Agag-asmaqqal (tisit Toṛoppant en wesmuqqel amaggʷaj, Planck) yufa ca en tfekkawin timeqqṛanin aṭṭas (bahra) deg umeɣrad nneɣ.

Di yal tafekka llan aṭṭas en yimahellawen (es Tinglizt: galaxies).

Tigrawin a en yimahellawen myuqqnent jar-asent es wedwas en waẓẓog (es Tinglizt: gravity). Igrawen a en yimahellawen llan deg-sen yimrawen en yigendiden en yiseggusa en tfawt.

Itrimassanen (imassanen en yitran) qqaṛen (ttinin) belli asmaqqal en Planck yufa ugar en 20 en tɣawsiwin timaynutin di tussna en yitran.

Tisit a ujenna en Tfullut Toṛoppant en Usayrur (es Tinglizt: European Space Agency) tufa is 169 en tegrawin nniḍen timeqqṛanin en yimahellawen llant deg umeɣrad nneɣ.

Doktoṛa Nabila Aghanim zi Institut d'Astrophysique Spatiale (Asinag en Titrigamasna Tasayrurant) di Orsay, Fṛansa tenna: “Tigrawin a llan deg-sent ar timiḍi (100) en yimahellawen, yal amahellaw llan deg-s melyaṛ en yitran.”

Tigrawin a en yimahellawen, ttwaẓarent di marra (akk) iɣezdisen en umeɣrad, es waggʷaj en ca en 4 belyun (melyaṛ) en yiseggusa en tfawt zeg Wakal (Tamurt nneɣ).

Itrimassanen (imassanen en yitran) xsen ad ssnen ɣef tmuɣliwin a minzi (acku) nitni zemmaren ad aneɣ sseknen mamec yessenta (yebda) umeɣrad nneɣ, ed mayen di-s yellan, ɣef weswir ameqqṛan, ed mamek tanga tettwasudes deg yifiřan (ifilan) ed yifercan yemsebḍan jar-asen es toṛawt (lexwa).

Tigrawin a en yimahellawen wer deg-sent llin wanecten imeqqṛanen en tenga yettwaẓaren (itran, agaz, ageḍror...) waha, maca yella deg-sent yijen en wanect meqqoṛen en “tanga taẓenfart” (es Tinglizt: dark matter).








 
Iwenniten n imeɣṛan
تعليقات القراء
Readers' comments


comments powered by Disqus
 


Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary