Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary

Abrid illasen



 
Muḥemmad Aɣezzaf

Abrid illasen

Ursar issuddi ubrid illasen es yat tudqist (boujie), neɣ es yat tsafut. Ira ubrid illasen tawengimt iseɣililen (la raison qui médite), ittneddamen i mayed dd-iddan, i mayed iffer, i yiweddinen (les fantômes) et isdiddiyen.

Abrid illasen ira tawengimt itturebben (armée) es umagin (la logique), es wusun. Asag izzeɣ (être prudent) unejdi hat yucez imizi (le danger) et isdiddiyen, ifrek es usendar (l’obstacle) illan dat-as. Adday iffeɣ cra amagin meqqaṛ et issen hat ur inni ad izger abrid illasen. Unna ittusekrebsen (être scolarisé) ar yan umesga amajjgal aha ar ittales ayenna kkan itsen imezwura ar ti ttinin hat ar ittemmal is ur issuddi abrid en tudert nnes. Asag da ittini ca ayenna ittsetta yan ad et ččin sin hat ad yini mec da ittasey yan umekkalu (le camion) aggʷa en tmiḍi (100) en uqenḍaṛ hat ad yasey ar snat timaḍ neɣ uggar, hat ad yini mec da isselmad uselmad i uguzdey en 45 en unelmad usun, hat ad yili tawuri nnes aked aguzdey en 60 neɣ uggar hatin iffeɣ amagin ed wusun nna zutfen (découvrir) yimeɣna (les créateurs).

Awed asag yini cra i tsednan ad sgidiyent tarwa meqqaṛ ikkʷar uzeglal (le boulevard) en tmazirt es umtar en tukki, es uḥyuḍ, es uzmannaz (le vagabond), es uferkazaḍ (le chômeur), es ukucam, es ufukal, es uḍeṛɣal, es uneɣmi en yibureksen … hat iffeɣ iɣef nnes. Ur inni ad itter asgidey en tarwa xas wanna isriyen marra en tkemmisin ed yikarisn ard ur nettannay timitar en ukucer (la misère) ed unufel. Azeglal issuddan es umẓarur (l’électricité), isseflilliyen (qui brille) es yiɣman ed yinilen (les couleurs), ikkʷaren es wudmawen en ukucer ur igi xas abrid illasen iffren deg yiɣuyin (les virages) nnes cigan en yiweddinen.

Unna iffɣen amagin hat ad ti taɣ cra en tunant, neɣ ca en umxix (accident) imci nna da ttaɣen iberdan nneɣ. Ayanin usɣil en yimxixen deg yiberdan nneɣ ar ttemmalen agedcel (l’absence) en umagin.


Mec aruɣ es usakil Alatin hat is riɣ ad ittuɣṛa umagrad uggar, aya ur ar ittini is aɣuleɣ aṭaɣiṛ (le choix) inu. Tifinaɣ tga tadugamt en Tmaziɣt, ur dd-yusi ad tessitem timelsit nnes taf ad tles ayenna ur teẓḍi es yifassen nnes.


Aɣezzaf Muḥemmad, 31 May 2016 (2966)








 
Iwenniten n imeɣṛan
تعليقات القراء
Readers' comments


comments powered by Disqus
 


Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary