Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary

Izem, uccen d userdun

(Le lion, le loup et le mulet)



 
Muḥemmad Aɣezzaf

      Izem, uccen d userdun

       (Le lion, le loup et le mulet)

        Macahu:


Ittuyassen yizem s ugellid n imitar, id uccen ittyassen s txennubas (les ruses) nnes, id aserdun ittyassen is iga ibba nnes aɣyul id iyyu nnes tga t tagmart. Kud seqsan aserdun ɣif imirew nnes inna asen: «Anettay (l’oncle) inu ayyis ayed t igan».

Zedɣen akkʷ g yan wansa. Adday ǧǧiwnen ar ttemmegzan, id asag lluẓen ar ttnaɣen.

G yat tikkelt, x tegrest d wussan imrayen, illa usemmiḍ d uzwu d ugris d udfel. Ar tteqqlen imitar ad ilkem ukud n tazart nna myaren. Xas aserdun ay d iǧǧiwnen, id izem d wuccen hatin lluẓen.

Yenna wuccen i yizem:

- Imes userdun s yat teɣyamt ur izfiḍen (famille qui n’est pas noble). Cey d agellid, seqsa t ac isseɣmes (informer) ɣif imirew nnes, ra ad t nesṛeḍ, xminni t nekwet (condamner), ad as naweɣ aha nekkes assaɣ nnes.

Ixemmem yizem:

- Amanid ad ur ilzi aha iga arɛay, yuccel ad ur t nerɛey, han tawengimt ar tesfuzul (rendre sacrée une chose) adnaɣ (la patience), aha iṭmer userdun, aha ur ikki uzakik (la cause) asala (l’origine). Awed aserdun igza is ar ttxuxuden (comploter) f uqeṛṛu nnes, inna asen:

- Id xas uya ukan. Isrurey usekkin, llan ikamisen mar ad ctiyen imɣaṛen. Ad nessara f mayed igan imirew inu.

Idda userdun aha idza ineflaz (les clous) g tsila nnes aha yuɣul ẓaṛsen day yini asen:

- Hatin gziyen (graver) assaɣ n imirew inu g tsila inu addu wad ad ti tannayem.

Inna yizem i wuccen:

- Ddu annay assaɣ ugziy g uḍaṛ nnes.

Inna wuccen i yizem:

- Tirra timeẓẓyanin amm ti ma ay d tent ittegzun xas amsan amm cey?

Iwwet userdun izem s tiqqeṛt aha isseqlulliy t (renverer) s ḍaṛt allig tuley tiṭ nnes s ignna. Inneḍ wuccen i yizem ar ittxemmam s ik lli as ira ad as yaweɣ. Iḥawel t yizem, inna as:

- Is ur ngi imeddukkʷal? Assa ḍeṛɣ, yuccel ad ttemyattayed akid-i.

Yenna wuccen i yizem:

- Ur yad iqqimi dɣi uwengam d twengimt neɣ iddis tḥuyeḍ. Amaḍal ar ittemyaway d unebdad meqqaṛ iga imirew nnes aɣyul.

Star Times s Teɛṛabt, ittyalez s Tmaziɣt s uɣanib n Uɣezzaf Muḥemmad.

1) Asussen s uḍaṛis:

* Anaw nnes: iga aḥatiy udmin acku isswer imitar nna da ttgensasen izariten n ufgan. S uya as iga adamin (fable). Ur ittuyassan bab nnes neɣ lal nnes. Ikka iga utliy (oral) dat n wad immuttey s udcil. Azurez nnes iga t ani n ugratsa Star Times.

2) Aṣlaḍ n uḍaṛis :

* Azan:

Imizen Azan Anermas
Ajeɛniḍ (le faible) Amaḍal ar ittemyaway d unebdad Azerdadaɛ (le plus fort)

* Tanila :

Tayazilt Imiwes Amenkas
Uccen Izem Aserdun
Uccen

Tawengimt Izem

* Amulley:

Alakib agentat Azarit nnes Asakir d urafis
Izem Amudar aḍuṛas Imsasa d wuccen far ad yaweɣ i userdun, yuzen uccen ad yannay assaɣ n ibba n userdun ddaw ifencqeṛ (sabot), iddu netta ad t yacez, yaɣ acal, iḥawel wuccen mar ad ur as yaweɣ, ur izmir ad izunẓu (convaincre) uccen. Iga amsan, agellid, iga azerdadaɛ maca ur ibddi dat titi s tsila n wuzzal ittusuren (fixé) s ineflez.
Uccen Amudar aḍuṛas Itter i yizem ad id-s idru tirzi f usala n userdun, itter waddeɣ ad idneɣ, iḥetten ad isṛeḍ aserdun far ad ittukwet aha yaweɣ as netta d izem, ittinḍaṛ (reculer) kud asen inna userdun is ittugzey wassaɣ n umirew nnes g tsila, ddaw ifencqeṛ, itter i yizem ad izmek (déchifrer) assaɣ nnaɣ iddeɣ iga amsan, innarez ad yaweɣ i yizem kud t iwwet userdun aha isḍurreɛ t (le rendre incapable). Issectey i yizem yat tzemna. Iga aseqlaf.
Aserdun Amudar ugrid Ar ittini i wadda t iseqsan f imirew nnes is iga uyyis anettay nnes, isella i yiwennan n yizem d wuccen, iddu issleɣ iniflaz i ifencqeṛ nnes, inna asen is ittugzey wassaɣ n imirew nnes g ifincqeṛ nnes, iwwet izem isḍuṛṛeɛ t. Iga aseqlaf meqqaṛ ikka-d asala n uɣyul ittuyassnen s uhebbej.
Tagrest Akud Tman d usemmiḍ, adfel, agris, azwu d laẓ
Tagant Ansa Ansa nna g da ttemmkiṭṭifen (lutter) yimitar.
Amkiṭṭef Asnara (comportement) Da ittili ger umudar aḍuṛas d wayyaḍ d ger waddeɣ d ugrid.
Asqillef Asnara Da ittili ger umudar aḍuṛas d wayyaḍ d waddeɣ d ugrid. Iga asnara n umudar taf ad yaweɣ i uksum uwayeṭ neɣ ad injem i umargas (la mâchoire) nnes.
Tazemna Anaba (le sens) Anaba igan tugḍiwt n tirmit nna as ismeɣ (justifier) wuccen aseddiren nnes g uksum n yizem kud iḍuṛṛeɛ.
Tazart Agummu Tadugamt n wukud yaḍfuḍen acku ur d-as ittaweɣ yizem d wuccen, xas aserdun ay d-as ittawɣen.
Inilfez Imiss Ma s da tselleɣ tisila n wuzzal g ifencqeṛ n itsen imitar ugriden.
Laẓ Anemri agaman (besoin naturel) Ar isnuccug amkiṭṭef ger imitar, d awed ifganen.


* Azda ger iwariken: Amkiṭṭef, aseqlef, agunfu, amyawaɣ, azerdadaɛ ar ittaweɣ g uksum n ujeɛmum. Tudert n umudar adeɣbar tbedda f umtan n umudar adeɣbar ikkan ddaw as.


* Tiddugma:

Awarik Agenses nnes
Izem Ar ittgensas ku awarik aqeṛmammeḥ (puissant), azerdadaɛ wan ugellid, aselway, amɣaṛ.
Uccen Ar ittgensas ku awarik ajeɛniḍ maca iga unẓiẓ s txennubas nnes.
Aserdun Ar ittgensas ku awarik ajeɛmum (faible) maca iga unẓiẓ (intelligent) s txennubas, ku awarik ikkan yan wazda ur imsasan d umayir n iferdasen yaḍen, ku awarik igan aḥelbir (bâtard), neɣ aregna (hybride).
Netta ikka-d tamunt n uɣyul d tegmart aha iffer asala nnes kud inna i yizem d wuccen is iga wayyis anettay nnes. Iḥemmeq s usala nnes, iḥemmeq s ibba nnes igan tadugamt n uhebbej. Maca yuger g txennubas nnes uccen d yizem meqqaṛ iga imirew nnes aɣyul aha isṭukey ten s uɣured d ulakib nnes.
Tagrest Akud isdugmen laẓ d umtan.
Tazart Agummu isdugmen taṭfi n tudert.

* Ixiti ukrim:

- Izem iga anefcacak iddeɣ iḍis t uccen s ileɣ nnes kud as inna is iga amsan ittezmaken ayenna ur igin ujbiḥ (découvert).

- Uccen: iga agenfaf (profiteur), acku xas yannay izem iḍurreɛ, innarez ad yaweɣ i uksum nnes. Tudert dar-s tga agunfu (le fait de profiter).

- Aɣyul ar issulku asala nnes acku ittuyassen yimirew nnes s uhebbej, isenḥuffer (dissimuler) asala nnes kud ibuẓẓen (reconnaître) s umyisa nnes igan ayyis s tseflest n unettay nnes igan gma-s n iyyu nnes igan tagmart. Isbijjek s usala nnes ikkan iyyu nnes taf ad issemhes tizzudra n usala nnes ikkan ibba nnes.

Tugḍiwt: iga udamin waniti tirmit tufgint ittyadiyen i yimitar iḍuṛasen d wugriden far ad gi-s isɣilel (méditer) unermas (le receveur) day innuɣber g wazan nnes.

Aɣezzaf Muḥemmad, Tagrest n 2966 / 2016








 
Iwenniten n imeɣṛan
تعليقات القراء
Readers' comments


comments powered by Disqus
 


Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary